Ali təhsil sisteminin Avropa Ali Təhsil Məkanının tələblərinə daha da uyğunlaşdırılması məqsədi ilə Azərbaycan Respublikasının Təhsil Nazirliyinə dəstək göstərilməsi layihəsi
“Avropa ittifaqı öz biliklərini, resurs və müqəddəratını tədricən bir-birinə bağlamağa qərar vermiş 28 üzv dövlətdən ibarətdir. İttifaqın 60 il genişləndiyi bir dövrdə bu ölkələr sabitlik, demokratiya və davamlı inkişaf yolunu birgə qurmuş, eyni zamanda öz mədəni müxtəlifliyini, tolerantlıq və azadlığını qoruyub saxlamışdırlar.
Avropa İttifaqı nailiyyət və dəyərlərini öz sərhədlərindən kənarda olan ölkələr və xalqlar ilə bölüşmək niyyətində ciddidir.”
Bu Tvinninq layihəsi Finlandiyanın Təhsilin Qiymətləndirilməsi Mərkəzi, Estoniyanın Ali Təhsildə Keyfiyyətin Təminatı üzrə Agentliyi və Azərbaycan Respublikası Təhsil Nazirliyi tərəfindən həyata keçirilir. Layihənin büdcəsi 1.3 million avrodur və Avropa İttifaqı tərəfindən maliyyələşdirilir.